綠色先鋒：惜機減廢
智能電話興起後，各個品牌每年一度的新機發表日必定吸引眾多粉絲「貪新忘舊」，新品往往會被搶購一空，不過，在追求科技新產品的同時，亦反映人們過度消費，一些只要稍加修理便可正常運作的電子產品往往淪為電子垃圾。有大學生組成團體，定期免費為校內師生及職員維修電子產品，推廣惜物減廢，向盲目消費說不。
反對盲目消費 義修電子產品
「以往香港人電話壞咗會諗拎去邊度整，但近年愈來愈少，好多人電話有少少壞，甚至運作正常，都會因為想追科技而買過部新。」香港科技大學學生Angel認為，消費主義已令本港市民變得盲目，不了解科技，亦忽略電子廢物氾濫的後果，「例如部手機可能只係螢幕壞咗少少，只要換番就用到，但係部分人寧願直接買部新機，其實可能同原本部『舊機』無咩太大分別，又嘥錢又製造好多垃圾。」
為了抗衡盲目消費，Angel和兩位有相同理念的同學Fernando和Mashiat創立學生組織「Remake」，於科大校園內舉行活動，義務維修損壞的手機和平板電腦等電子產品，「本身以為會無咩人嚟，但係反應同我哋預期相反，好踴躍。」Angel憶述，當初未為活動作太多宣傳，僅以校內電郵通知學生有一個電子產品維修活動，想不到活動當日竟然大排長龍，「好開心好多同學原來仲好認同『整唔好先去買』嘅諗法！」經過第一次活動後，三人亦發現難以處理太大量電子產品，其後活動亦改為登記制。
自學維修 盼招攬更多同路人
採訪當日，Angel、Fernando和Mashiat三人分別維修不同型號手機，但其實三人並非工程學系出身，所有維修技巧均是自學而來，「我哋全部知識都係睇片學，發覺網上好多高手，咩機種都搵到，每個步驟照住嚟整，基本上一般問題都解決到。」Angel指，未來或會招攬更多同路人參與，期望活動可以在校園內喚起大家惜物的念頭，將來不只電子產品，而是所有消費均會三思而後行。
文：陳名仲
圖：關萬亨