入波 扭軚 拉手掣 斜路泊車三招防溜
【本報訊】北角「長命斜」依然泊滿車，有司機更教授車輛「防溜三招」：入波、扭軚及拉好手掣。昨晨現場長康街路邊仍泊滿車輛，部分車輛已將前胎扭向石壆，但亦有車輛「懶得做」安全措施。有保母車司機稱，在斜路泊車必定會確保完成三個步驟，「拉好手掣、入後波，扭軚將前胎靠向路壆」。他解釋，扭軚的原因，是因為一旦車輛溜前，亦會有路壆作緩衝，減低車輛向前俯衝的機會。
另有保母車司機坦言，當司機需要時刻謹慎，形容「就算一百次小心，就係有一次大意就出事！」又稱，拉手掣要確保「拉到盡為止」。
肇事地點乏車位
該司機亦稱，因附近缺乏泊車位，故該處有不少車輛停泊，意外後會與行家商量停泊的位置。另外，肇事保母車公司負責人舒太，昨晨如常工作。據悉，意外後舒太仍未能平復心情，有家長向她了解司機情況時，不禁潸然淚下。