特首林鄭不久前得到主管港澳事務的國務院副總理韓正高度評價，指特區政府在其帶領下，「香港的管治水平和治理能力都得到全面提升」。而實情係本港的管治水平每況愈下，不久前出爐的民調顯示，三位司長評分全部下跌，三司中評分最低嘅律政司司長鄭若驊更跌至三十六點七分，被網民嘲為「墊屍（司）底」高官，認真瘀皮！
林鄭民望自超強颱風山竹襲港後，其善後工作備受批評，民望亦下挫至上任以來最低。之不過，成個管治班子民望下滑，不但沒有影響林鄭嘅運勢。呢，《福布斯》公布最新一年的全球百大最具權力女性排行榜，林鄭上榜，且排第三十二位，是大中華區之中最有權力的女性，老朽內心納悶：唔通在港珠澳大橋通車儀式上，佢「與習同行」並肩進場，真係有效應？真係得到祝福？
《福布斯》指，林鄭就任行政長官以來，一直試圖證明自己不是北京的傀儡，而且在施政上面對很多挑戰云云。佢是否「北京傀儡」，老朽不想忖測，只好一笑置之！不過，特區政府庇奸護淫，恐洋懼外嘅ＤＮＡ深入骨髓，則路人皆見。一單漢奸黎刑恐東方男記者案，拖到今天逾十七個月都未能將漢奸黎落鑊，令人質疑到底特區政府是否買咗漢奸黎背後的外國勢力怕？至於掃黑除惡效果不彰，所謂的「雷霆行動」有姿勢冇實際，人稱「上海仔」嘅和勝和前坐館郭永鴻，惡貫滿盈至今仍逍遙法外，你話冇保護傘由頭笠到腳保護佢，唔通佢識遁地飛天咩？
回歸以來，法治沉淪，民心難歸，卻只見林鄭權勢上揚，這是特區政府之福嗎？一味與反對派「大和解」，結果是連一個三十分鐘的特首答問會，也在泛民的叫囂下腰斬，不悲哀嗎？拿破崙曾說：沒有公正就沒有權威。政府應果斷執法卻畏首畏尾，正邪不分，不知公正，如此權勢上升又如何？