公立醫院近年出現嘅嚴重醫療事故爆不停，原來喺近四年嚟，醫院管理局共接獲四百四十五宗醫療事故申索個案，賠償總額高達逾五千萬元。老實講，公院醫療事故鑊鑊新鮮鑊鑊甘，都係出於醫護人員疏忽所致，除咗佢哋本身要負責任外，亦同人手長期嚴重不足不無關係，若果食物及衞生局局長陳肇始唔解決公院十個煲五個蓋嘅問題，花幾多公帑都補唔到咁多鑊喇！
