賣酒新法例前日生效，零售店、超市等唔可以賣酒畀未成年人士，但有區議員放蛇實測，發現唔少未成年人士仍然成功買酒，反映控煙酒辦巡查不足，新法例發揮唔到作用。食物及衞生局局長陳肇始尋日竟然話，新例係「探熱針」，實施初期會視乎情況執法，會先對無心之失嘅個案作勸喻，而政府會不斷檢討修補漏洞喎。如果勸喻可以禁止未成年人士買酒，就唔使立新例喇，況且法例經過長時間審議，豈能當係「探熱針」咁兒戲？
