政情:曾健超被放生 當選社工註冊局成員

違法佔領行動期間,身為社工嘅前公民黨成員曾健超涉襲警及拒捕,最終被法院定罪並判監五星期。雖然社會工作者註冊局接獲投訴,指曾違反專業操守,要求釘牌,惟最終被「放生」。近日佢與民主派組成八人名單,參加社工註冊局成員選舉,結果以二千二百三十票當選。

與民主派組成8人名單

註冊局選舉於上月八日至尋日舉行,共有二十三名候選人,而當局共收到五千四百六十一張選票。取得二千八百九十票嘅現任主席倫智偉以最高票連任,曾健超得票就只排第六。其餘當選嘅候選人包括丁惠芳、梁傳孫、陳芷瑋、伍銳明、郭毅權及張麗怡,八人均同屬民主派。

而今次參選嘅仲有已經係註冊社工嘅前學民思潮核心成員黎汶洛,但以七百七十二票落敗。黎就話,會以謙卑態度檢視今次選舉策劃,但亦呼籲各界監察註冊局工作。佢亦會履行選舉時承諾,向當選者提出有關實習社工津貼嘅建議,保障實習社工待遇。

第一手消息請下載on.cc東網iPhone/iPad/Android/Windows Phone Apps