政情：去台灣冇掣肘 蕭偉強大歎美食
香港人經常都去台灣旅行，上網整張入台證就可以輕鬆通行，勞工及福利局前局長蕭偉強夫婦最近都去咗台灣，仲喺Facebook分享所見所聞，睇落相當盡興。不過，食物及衞生局前局長高永文早幾日提過，即使已經離開政府都仲有唔少掣肘，想去台灣都唔係咁易，甚至去唔到添，唔知高醫生會唔會請教吓蕭偉強，睇吓點樣入台會容易啲呢？
蕭同太太喺台灣「大吃特吃」，由農家無菜單料理食到客家擂茶、新竹米粉貢丸，仲有福州拌麵、手工咖啡、懷石料理，睇見都流晒口水。不過，蕭嘅年紀都唔輕，食得咁放肆對健康都唔係咁好，適可而止會好啲。