中環出更：文具店不敵貴租 黎棟國向商場業主開火

與老闆相識多年 不時幫襯

呢間文具店兩年前曾經被新業主迫遷，後來收集咗一千五百個簽名，黎棟國亦有簽名支持保留，而老闆當時指黎嘅太太係大埔街坊，兩人不時幫襯小店。現為新民黨常務副主席嘅黎棟國近日就同文具店老闆會面，原來黎同黨友視察被領展出售後嘅商場情況，結果被賣嘅大埔運頭塘商場，翻新後租金升咗一倍，文具店最終捱唔住結業。

新民黨主席兼立法會議員葉劉淑儀曾經自爆因批評領展而畀人恐嚇，該黨自此多次狙擊領展，近日該黨視察運頭塘邨同沙田新田圍邨呢兩個被領展出售嘅屋邨商場，炮轟領展嘅營商手法罔顧市民需要，以利為先，不理社會責任。

卓妮