白表「幸運兒」天堂跌落地獄
【本報訊】居屋「大抽獎」結果出爐，有人歡喜有人愁。中頭籌猶如中六合彩，但對單身白表人士，結果可能只是空歡喜一場。有單身頭籌幸運兒直言昨日心情猶如坐過山車，當得悉自己中首個號碼後，心情興奮不已，立即向家人發短訊報喜，但及後發現原來白表單身申請者即使中頭獎，揀樓機會亦只有不足一成半，心情便恍如由天堂跌落地獄，炮轟政府漠視單身人士住屋需求，「抽咁多個冧把有鬼用！」
揀樓機會渺茫 「仲以為好好彩」
鍾小姐今年首次以白表單身人士申請居屋便一擊即中，在公司觀看直播時難掩興奮心情，「真係覺得好似中咗六合彩，諗住用嚟日後結婚用」，不過興奮心情只維持了一小時，她細心留意發現揀樓機會竟然十分渺茫，「仲以為自己好好彩，諗緊揀啟德定長沙灣好，依家都唔知有無得揀，如果有得揀，就東涌都照要，心情好忐忑」。
鄭先生的女朋友以白表單身申請，同樣非常幸運地「中頭籌」，他得悉後非常興奮，計劃與女友一同供樓，但他明言女友一定不會揀東涌，「東涌畀大陸人攻陷咗啦」。就讀大學三年級、二十二歲的鄧同學昨早到樂富居屋辦事處了解攪珠結果，他以白表單人申請，抽中第五個號碼，自知機會渺茫，又指雖然父母已計劃為他付首期，買私樓或二手居屋，但他想靠自己。
張女士昨亦請假前來觀看結果。她表示，到居屋中心前特意往黃大仙廟誠心祈求中籤，希望成功抽中改善居住環境。她今次首次以白表家庭申請，指目前以月租一萬五千元租住北角舊樓單位，「抽中就好啦，仔女一人一間房，唔使成日嘈交！」