公立醫院十個煲五個蓋，醫護人員不足嗌晒救命，而食物及衞生局局長陳肇始尋日就喺網誌重提施政報告落實增加醫護人手的措施，強調「未雨綢繆總勝過臨渴掘井」。話時話，只係喺未來三個學年，每年合共增加一百五十二個政府資助嘅學士學位醫療學額，根本止唔到渴，亦追唔上市民對公院服務嘅需求，好心陳肇始就唔好喺度自吹自擂，再諗吓撥多啲資源嚟紓緩公院嘅人手同工作量好過喇！
