前警務處處長曾偉雄自一五年退休後，好少喺公開場合露面，而佢尋日出席一個競選活動時，竟然被路過嘅街坊誤認係立法會前議員馮檢基（阿基），事後又有網民話爭啲認錯佢哋兩個。曾偉雄同阿基兩人年紀相差約五年，雖則髮型好相似，但曾偉雄係戴金色幼框眼鏡，而阿基就戴黑色粗邊眼鏡，但點睇個樣都有好大分別，竟然咁都畀人錯認佢係阿基，可能係大家對佢嘅印象已經好模糊嘞！
