「雙學三子」黃之鋒、羅冠聰同周永康，以及十多名反新界東北社運人士舊年先後被判入獄，包括黃碧雲同朱凱廸等泛民主派立法會議員就用「公務探訪」制度去探監，朱凱廸仲帶埋助理、學聯前副秘書長岑敖暉，去羅湖懲教所狂探在囚嘅女朋友，簡直離晒大譜，而因為佢哋濫用呢張「通行證」不停咁去探監，搞到懲教人員嘅工作量大增，有議員尋日就建議當局應考慮修改指明人士探訪在囚人士嘅規定，以打擊濫用「公務探訪」制度，擺明係要封佢哋嘅濫用之門。
