中環出更：漢奸黎又攪局密會李漢奸陳日君
二○一四年佔中案正在法院審訊，「搞事四人幫」當中，有份參與佔中、人稱「漢奸黎」嘅壹傳媒黎智英，同有「李漢奸」之稱嘅民主黨創黨主席李柱銘及「反叛教主」天主教香港教區前主教陳日君，尋晚齊齊現身漢奸黎嘅何文田寓所密會攪局！
尋晚約六時二十分，政治評論員詹德隆負責駕駛私家車抵達漢奸黎嘅何文田寓所，而同行三人隨後亦落車，包括李漢奸夫婦，而喺十分鐘後，陳日君亦乘私家車抵達漢奸黎寓所。
歷時近兩個半鐘
漢奸黎、李漢奸等人密會歷時近兩個半小時才結束，一如眾人抵達漢奸黎寓所嘅交通安排，詹德隆駕駛私家車，同李漢奸夫婦同車離開，至於陳日君就乘坐另一部私家車離開。
話時話，漢奸黎、李漢奸同陳日君等人密會攪局嘅時間，認真耐人尋味，首先係撞正佔中案於法院開審之時，其次係漢奸黎旗下壹傳媒本周初宣布出售台灣資產套現救亡計劃，再加上李漢奸近期完成到歐洲議會「唱衰香港」嘅行程，由此觀之，漢奸黎、李漢奸等人此時此刻密會，莫非除咗交換最新資訊外，又再次密謀攪局？
卓妮