政情：李漢奸梁家傑訪法唱衰香港
再有泛民大狀外訪「唱衰香港」，今次輪到民主黨創黨主席李柱銘（李漢奸）同公民黨前立法會議員梁家傑，佢哋於下周一連多日會到法國出席歐洲議會大會，梁家傑出發前接受傳媒查詢稱，對於香港嘅情況唔會塗脂抹粉，亦唔會刻意唱衰，並事前張揚會提到中美貿易戰，希望為香港搵番一個位置喎。
不過，泛民中人「講一套做一套」，其實屢見不鮮，除咗向來係「唱衰香港」常客嘅李漢奸係表表者，梁家傑查實亦有「唱衰香港」前科。
梁曾赴美講「雙學三子」案
喺約半年前，梁家傑聯同公民黨黨魁楊岳橋到美國紐約同華盛頓訪問，當時除咗提到國務院於數年前發表嘅一國兩制白皮書，「雙學三子」衝擊政府總部東翼前地案等，又聲言內地近年嘅打壓力度愈來愈大喎。究竟今次李漢奸同梁家傑有乜「唱衰香港」新搞作，大家拭目以待嘞！