政情：八網難逃：游蕙禎蒲頭 竟變獨眼龍
青年新政游蕙禎（圖右）繼因宣誓風波而遭取消立法會議員資格，並被判非法集結罪成而入獄後漸趨低調，少有公開露面，不過尋日法政匯思游月華（圖左）就喺Facebook貼咗二人共進午餐時嘅合照，殊不知唔見游蕙禎一排，佢竟然變咗「獨眼龍」，左眼貼咗紗布，唔通佢畀人尋仇打腫咗一隻眼？
據悉，游蕙禎係因為做運動受傷，而唔係尋仇，所以游月華都有祝佢早日康復。雖然游蕙禎得番一隻眼，但游月華直言同佢「影相壓力都幾大，真係讓你一隻眼，都贏你幾條街。」暗讚游蕙禎靚女。話雖如此，游月華喺貼文最後都講，「好似姓游嘅女仔普遍都係大眼妹」，唔知係咪想讚自己外表都唔太差呢？
（互聯網）