政府「四電一腦」廢電器徵費計劃甫推出已備受批評，最近政府營辦商仲被大量回收廢電器逼爆廠房，搞到政府要免費借地畀營辦商擺放廢電器。環境局局長黃錦星尋日出席活動時，仲死撐話政府營辦商有足夠營運能力，回收廢電器數量同政府目標接近，仲話借地都係過渡措施，強調做法適當喎。「四電一腦」計劃推出後，街道不時都見到被棄置嘅廢電器，營辦商更被廢電器逼到爆廠，反而小規模嘅回收商就被迫結業，依家黃錦星仲要死撐，唔通要搞到廢電器圍城佢先肯認衰？
