中環出更：陳國基鄧以海石澳視察落手清塌樹

今時今日落手落腳做嘢嘅官員真係抵讚！山竹襲港過咗近兩星期，特首辦主任陳國基同海關關長鄧以海尋日下晝去咗重災區之一嘅石澳泳灘視察，仲牽頭帶領幾十位休班海關及其他休班紀律部隊人員清理塌樹同枯枝。陳國基同鄧以海戴上手套後，同大家一齊將大堆枯枝搬走，逗留約四十五分鐘後先離開，認真落力。
鄧以海（中）落手落腳抬走枯枝。
鄧以海（中）落手落腳抬走枯枝。

300紀律部隊義工齊清理

原先海灘去燒烤場嘅通道行都行唔到去，佢哋夾手夾腳就「清場」開番條通道，遊客又可以喺番呢度BBQ，身水身汗都係值得嘅。陳國基話佢覺得依家一直咁清落去，靠佢哋三百個紀律部隊義工，希望將所有居民唔方便出入嘅地方搞番好。

其實，海關及其他紀律部隊前日起已組織「休班紀律部隊義工」，去西貢、沙頭角、上水一帶義務清理塌樹，減輕前線人員嘅工作量。

陳國基（白衫者）落力清塌樹枯枝。
  • 陳國基（白衫者）落力清塌樹枯枝。
鄧以海（左一）、陳國基（左二）及發展局局長黃偉綸（中）等人，商量如何清理塌樹。
  • 鄧以海（左一）、陳國基（左二）及發展局局長黃偉綸（中）等人，商量如何清理塌樹。
一批紀律部隊以義工身份，喺休班時參與風災後清理工作。
  • 一批紀律部隊以義工身份，喺休班時參與風災後清理工作。

卓妮

第一手消息請下載on.cc東網iPhone/iPad/Android/Windows Phone Apps