政情：公民講場：祖堂地多似撒胡椒粉 劉業強倡公私營合作

香港房屋供不應求，增加土地供應刻不容緩，近日就有建議向原居民祖堂地埋手。鄉議局主席劉業強話，祖堂地為傳統習俗，關係到氏族延續，現時有超過二千公畝，佔新界農地一半面積，但分布到好似撒胡椒粉咁周圍都有，所以用《收回土地條例》規劃上有困難，反而公私營合作可較快發展，氏族又可以繼續持有土地。劉業強擺明將新界祖堂地大晒冷，只係睇政府肯唔肯開綠燈批准公私營合作發展。不過，睇怕班廢官都係驚呢樣驚嗰樣，最終只會首選填海起樓。