政情：戴耀廷台灣播獨捱轟 去歐洲乞同情
香港大學法律系副教授、佔領中環發起人戴耀廷早前到台灣公然「播獨」，鼓吹港人思考成為「獨立國家」嘅可能，事後被全城狂轟。佢喺香港時間尋日晚上六點喺比利時布魯塞爾嘅歐盟總部歐洲議會出席名為「香港：被削弱的一國兩制」（Hong Kong：One country Two systems Undermined）研討會，大呻自己被港府同內地針對，擺明係博同情。
戴耀廷係研討會嘅演講者之一，佢指當日喺台灣嘅港獨言論只係「畀大家諗一諗」，唔代表自己支持香港獨立，但就呻有關言論被部分香港人聯同內地組織投訴係「超越紅線」，反問在席者「喺你哋大學會唔會講獨立？會唔會寫有關文章？喺香港就被人質疑點解揀呢啲題目（港獨）去寫」。
自己越界 反唱衰香港
佢又再提到自己寫咗十篇有關港獨嘅文章，話即使依家唔算犯法，但將來《基本法》第二十三條立法後，屆時好可能會觸犯法例，仲話咁樣正正反映香港嘅言論自由愈收愈窄喎，總之一定要唱衰香港。