內地供應商追玩具鄭2.3億欠款

被指曾稱賣樓套現後找數

「我哋之前一直信佢會還錢畀我哋，因為佢話賣緊樓籌錢，一有錢就會還，所以我繼續掉錢去出貨畀佢。」「被走數」的供應商老闆梁小姐質疑，鄭由去年初開始拖欠貨款，至今共欠其公司數百萬港元，她指鄭期間曾多次承諾一旦賣樓套現後便會「找數」，故信以為真。不過，梁其後從新聞報道得悉，鄭由年初至今已賣掉多個香港物業，並套取數億元現金，卻一直未有兌現承諾還款，最後甚至消失得「無影無蹤」，「我哋全部人都搵佢唔到，佢就拎晒啲錢走，我哋好多人要賣樓瞓街。」

昨日多個供應商來港追債，他們統一身穿印有「鄭躬洪還我血汗錢」字樣的白色襯衫，在大型橫額前大喊追數口號。梁指，「中港供應商聯合會」由大約二百五十個供應商組成，合共被拖欠約二億三千萬港元貨款。

他們指鄭曾開出多張空頭支票予不同廠商，並以玩具城國際有限公司作擔保，故早前他們曾到玩具城位於尖沙咀的辦公室追討，但同樣找不到鄭。本報記者曾致電鄭，截稿前未獲回應。