土地供應公眾諮詢今日結束，土地供應專責小組主席黃遠輝尋日出席電台節目時就被問到，整個諮詢過程有冇感到委屈，佢就話唔覺得委屈喎，事關小組已將十八個土地選項嘅主要資料「千錘百煉」鋪陳出嚟，方便大家討論，作多管齊下嘅抉擇。老實講，呢十八個土地選項被嘲為點心紙，其中填海一項備受爭議，點知政府喺諮詢期間又大吹填海風，搞到外界猛烈批評整個土地大辯論都係假諮詢，與其話黃遠輝受委屈，不如話政府屈佢就真喇！
