眨吓眼違法佔領行動即將滿四周年，據執法部門最新數字顯示，四十八名違法佔中搞手，至今只有九人被檢控，包括「佔中三丑」戴耀廷、陳健民和朱耀明，有關案件據報將於十一月正式開審。至於其餘三十九名佔中搞手，包括佔中「幕後黑手」漢奸黎，事隔四年仍然逍遙法外！
一早揚言「唔怕坐監，最怕洗廁所」嘅漢奸黎，佢舊年六月喺維園辱罵兼刑恐東方記者，整個過程鐵證如山，本報及受害人先後九次去信律政司，律政司才郁一郁冰封千年的神經，無奈開綠燈指示警方可以為漢奸黎落口供，可惜落完口供又冇下文，受害記者日前再次追問及要求檢控漢奸黎嘅明確時間表，律政司又如破舊錄音機，又係重複廢噏甚麼「檢控時間視乎案情證據及複雜程度」，如此愚弄受害人，更擺明侮辱港人智慧！老朽想起《笑林廣記》一則笑話：一秀才將試，日夜憂鬱不已。妻乃慰之曰：「看你作文如此之難，好似奴生產一般。」夫曰：「還是你每生子容易。」妻曰：「怎見得？」夫曰：「你是有在肚裏的，我是沒在肚裏的。」
秀才肚裏沒有文章，即係冇墨水冇料到；律政司看來也是廢柴，看其處理其他案件的甩漏，就知其「德不稱位，能不稱官」金主漢奸黎因律政司一句「證據不足」，連檢控程序都慳番；受害記者明明有片有錄影，律政司就覺得「複雜」？事件過咗年多仍要「時間搜證」？hea成咁，睇見都眼冤。
回歸二十一年， 香港落得「反中亂港金腰帶，愛國愛港冇屍骸」。港府畏洋如虎，對有外部勢力撐腰嘅漢奸黎，保護傘由頭笠到落腳，連條毛都唔敢郁佢。明縱惡，路人皆知矣。所謂「遲來的正義就不是正義」，敢問律政司司長：遲來的檢控又是甚麼呢？更何況不敢檢控？今屆政府大吹「和風」，一味放生反中亂港者，中央若不正視，心存僥倖廢柴可發光放亮，無疑自欺欺人也。