立法會社福界議員邵家臻尋日喺電台節目爆料話，曾向政府反映降低長者申領綜援嘅年齡，點知獲回應指現時老齡化嚴重，要釋放長者勞動力。佢批評話，長者綜援係滿足長者基本需要，同長者就業係兩回事，同場嘅立法會勞工界議員何啟明都鬧爆政府處理長者福利政策態度「佛系」，面對嬰兒潮出生人士將踏入退休年齡，政府應積極計劃如何運用現有資源，畀長者安享晚年。建制、泛民嘅議員矛頭一致射向勞工及福利局局長羅致光，唔知佢知痛未？
