美食車先導計劃係為咗增加香港旅遊景點嘅趣味同活力，不過推行一年半以來一直為人詬病，更有人質疑商務及經濟發展局局長邱騰華因為計劃屬前朝產物而有所忽略，連業界都甚少接觸。尋日邱騰華又再為旅遊現身，但唔係為美食車，而係推廣深水埗旅遊計劃，希望豐富香港旅遊資源同帶動經濟咁話。其實美食車已經淪為爛攤子，但政府對問題視而不見，搞到一鑊粥都未處理好就急不及待開拓新計劃，其實邱騰華係咪急住搵遮醜布啫？
