中環出更：EQ去愛爾蘭開會 驚悉多國議員冇產假

返港跟進產假問題

另一名立法會議員葛珮帆（EQ）正好代表香港立法會，喺愛爾蘭出席由愛爾蘭國會女議員團舉辦的第一屆國際國會女議員大會，席間同多國嘅女國會議員都提到懷孕嘅女議員冇產假同埋唔能夠投票嘅問題。睇嚟議員冇產假嘅問題，真係各國都有呀！

EQ話可能愈來愈多年輕女性擔任議員，大家都認為應該修改法例，令女議員喺產假期間由指定議員代為投票，自己回港亦會跟進呢件事，佢哋亦就成立女議員團、兒童權益、墮胎、性教育等議題交換了意見。講真嗰句，媽媽要生仔嘅時候，真係冇辦法唔放假，呢個問題真係要解決㗎！

此外，EQ食素多年，係大家都知道嘅事，佢話晚宴期間，坐喺旁邊嘅斯洛文尼亞及奧地利議員，同佢一樣都係長期素食者，真係好巧合，覺得國際上有唔少愛護動物嘅議員咁話。

卓妮