香港沉降停不了！尋日再爆出西九龍站圓方商場亦有沉降，令市民陷入恐慌。屋宇署署長張天祥回應事件時稱，圓方沉降係喺施工期間發生，依家已經完工，冇數據喺手喎！查實屋宇署有停工指標，只係出事時又會批准擴大指標範圍啫，有區議員就炮轟當局「搬龍門」。不過，張天祥解畫時否認，又話停工指標有兩種，全部考慮晒安全，睇嚟龍門冇搬過，只係一直跟住張天祥向左走、向右走，日日唔同標準啫。加上一句「冇數據」就推卸晒責任，用鴕鳥心態管理，市民仲點相信政府啊？
