政情：劉國勳歎麻辣火鍋

事關早前劉國勳去咗成都一轉，除咗游走大街窄巷之外，當然唔少得歎下地道嘅麻辣火鍋。佢仲搵咗間火鍋店，可以一邊睇表演，一邊烚吓、烚吓添！佢話好鍾意四川嘅火鍋，因為唔係純粹只有辣味，而係偏向麻味。唔通因為鍾意食辣，所以佢覺得同成都好夾？

唔係嘅，原因係三國呢段歷史囉！話說古時魏蜀吳三國鼎立，蜀地即係依家嘅四川，當時嘅蜀主係劉備，劉國勳話因為鍾意呢段歷史，中學時就修讀中國歷史，會考中史科仲攞A，而因為佢同劉備同姓，所以當正劉備係佢祖宗喎！