港男日機場安檢打尖 網民公審
【本報訊】日前日本大阪受風災影響，不少旅客希望盡早登機離開。前日有網民在網上社交群組貼文並上載影片，怒斥一對港人情侶在當地機場進行安全檢查時打尖。不過，有網民看過片段後認為，拍片者亦同樣影衰港人。
在十九秒影片中，拍片者不斷用粗口質問對方：「打乜×嘢尖？」更謂：「我就擺你上網！」爭吵聲引來其他旅客注目。與男友同行的女事主回應指：「我依家咪去排番隊囉」，而男方無奈地稱：「我問清楚啫，唔係打你尖」。惟鏡頭外另一把女聲不滿：「你哋仲理直氣壯咁」。網民Hunter Ku留言：「自己唔啱在先，仲撩人隻揪，好多台灣人同日本人望住晒，真係影衰晒香港人。」
拍片者講粗口 同樣被罵
不過拍片者卻未有得到多數網民的支持。不少人認為拍片者言談間太多粗口，「一樣影衰香港人」，「講粗口同埋拍人片又好啱？」