政情：饒清芬辦饒宗頤館 安置父親著作
「國學大師」饒宗頤離世已逾半年，佢嘅女兒、饒學研究基金創會會長饒清芬早前出席一個活動時，講起現時主要忙緊處理兩件饒公嘅事，包括籌備喺香港成立私人性質嘅「饒宗頤館」，將爸爸留低喺屋企嘅書及著作整理後集中擺放。現時已搵到地方，好快即可成立。
至於第二件事，就係將現時喺香港及各地嘅饒宗頤學術館、藝術館等機構連結起來。饒清芬話，兩年前佢哋已成立一個組織「饒學聯匯」，希望用呢個平台將各地同爸爸有關嘅機構連結、銜接起來。
方黃吉雯帶港生赴敦煌畫畫
同場仲有藝育菁英基金會主席方黃吉雯（小吉），見佢同饒清芬好老友，小吉話因老爺方繼仁係饒公好朋友，當年係方繼仁帶佢嚟香港，所以饒公喺自傳中曾多次提到老爺個名。遲啲小吉會帶一班香港學生去敦煌畫畫，以推廣水墨畫，不過佢唔會畫埋一份，笑稱因為唔識畫，只識欣賞喎。