政情：公民講場：邊境配套不足 黃遠輝：不適合建屋

香港房屋供不應求，土地供應專責小組主席黃遠輝已經頻頻出席公眾諮詢活動，睇吓點樣增闢土地，但多次被噴到一面屁。尋日諮詢漁農業團體時再遇批評，被指發展土地時，農地都係首當其衝。不過，黃遠輝就大賣口乖，明言自己都食本地菜，又進行超過二十年有機耕作喎，佢仲話去深圳灣參觀時，發現深圳起樓起到埋嚟，但香港禁區仲有唔少作業中嘅魚塘，加上交通配套唔夠，所以暫時都唔啱建屋。咁公開嘅諮詢活動，睇怕佢都唔敢信口開河，否則漁農業界實搵佢算帳。