政情：公民講場：獲工程師學會挽留 黃唯銘以退為進？

港鐵沙中線工程醜聞不斷，港鐵前工程總監黃唯銘早前被即炒，引起唔少香港工程師學會會員聯署要求佢辭埋會長，以免影響學會聲譽。後來佢終於主動向學會提出請辭，正當大家以為事件已告一段落之際，劇情出現峰迴路轉。事關學會理事會尋日向會員發信，稱理事會經過投票後支持佢留任，如果佢留任嘅話，有部分會員認為佢喺對外事務方面要避席，另有大多數人支持請公關維護學會專業名聲添！明明有會員聯署搞公投要逼佢走，當事人又識做自己走，點知理事會支持留任，寧願大灑金錢搞公關，到底搞邊科？唔通黃唯銘想以退為進？