秀茂坪有樹枝斷裂砸死印傭慘劇，再次喚起社會對樹木管理嘅關注。負責統領樹木管理辦事處嘅發展局局長黃偉綸尋日出席沙田區議會會議時就被狙擊，有區議員炮轟當局管理樹木各自為政，管理混亂，仲爆料有市民向部門反映路邊有樹木枯萎，但部門兩個月都冇處理，結果樹木斷裂。點知黃就話，市民對樹木嘅認知與專業人士估算係有分別喎，擺明就係話市民唔識嘢啦，睇嚟佢認為專業人士先至判斷到大樹有冇枯枝嘞！
