「三顧茅廬」的故事大家都耳熟能詳，劉備都不過三次拜訪諸葛亮，就請得佢「由是感激，遂許先帝以驅馳」。呢，東方報業集團和被粗言辱罵恐嚇的記者先後八度發信質詢律政司，何以遲遲不肯控告壹傳媒老闆黎智英？律政司初頭用拖字訣，說「需時處理」，其後就敷衍廢噏，之後索性潛水，隻字不回覆；去到第八封信，信件副本抄送中聯辦、港澳辦及特首辦，律政司詞窮到連「要諮詢法律意見」都噏得出，作為政府法律諮詢的最高機構，你仲要諮詢乜鬼法律意見啊？是玉皇大帝還是閻羅王？可見請諸葛亮出山易，求律政司主持公義難！
好嘞，東方及被恐嚇記者日前第九度發信質問，案發一年零兩個月之後終於有新進展，據悉警方取得律政司法律意見，於是急召黎智英到警方港島總區重案組位於灣仔的辦公室錄取口供。今次去信，除了將副本抄送特首辦，更將行動升級，同時去信申訴專員公署，如此這般九曲十三彎，才令律政司如千年冰封的雙手，開始有一絲反應。之不過，佢今次嘅回覆仍然係冷冷冰冰，一貫的官僚，指現階段不宜評論案件具體進度及處理方向。冇靈魂政府做事向來拖泥帶水、議而不決，一味糊弄百姓，得過且過，要等待「好時機、好條件」，香港近年之所以沉淪，就係畀呢啲船頭驚鬼、船尾驚賊嘅廢官誤盡蒼生，青春有限，生命無價，香港可以經得起多少折騰？
人在做，天在看，老朽希望律政司能嚴肅執法，基於受害者有權知悉案件的進展，律政司應從速提供與案有關的檢控進度資料予該受害男記者。
黎智英刑恐本報記者，有相有片，證據確鑿，但超過一年仍未落鑊，東方及被恐嚇記者九度去信，律政司冰封的雙手若再高高舉起輕輕放下，就真係如「功夫茶」所講的「玉九孫」矣！