香港嘅土地房屋政策一直為人詬病，樓價貴到市民負擔唔到。前行政會議成員、香港黃金五十創辦人林奮強尋日就話，政府廿幾年嚟都冇策略性規劃，所以搞到兩頭唔到岸。呢邊廂有大量財政盈餘，但另一邊廂就冇地起樓。佢仲批評香港人根本唔上心，事到如今仲喺度講點樣開發土地同埋利弊。咁又點解決呢？林就話無論有咩方法，都應該要去做，唔係好似依家咁，好似用蒸餾水救火咁喎！睇嚟政府要好好反省吓喇！
