政情：公民講場：港獨細菌蔓延梁美芬促禁宣傳

香港民族黨召集人陳浩天應邀到香港外國記者會公然大談港獨，引起軒然大波，立法會議員梁美芬尋日聯同法律界人士要求政府堵塞法律漏洞。梁話，佢唔希望港獨好似細菌咁以任何形式蔓延，否則就會毒害下一代同整個香港。佢又話，目前未有法例禁止為港獨人士提供宣傳平台，佢認為呢個係法律漏洞，政府應盡快堵塞漏洞，又強調言論同新聞自由並非無限。梁仲叫港人要潔身自愛，唔好同港獨人士糾結埋一齊。睇嚟佢真係誓要掃走陳浩天等鼓吹港獨嘅細菌小子喇。