中環出更：商經局「無糧」 蔡瑩璧做專員蝕286萬
政府於兩年前成立一帶一路督導委員會及一帶一路辦公室，並委任曾任商務及經濟發展局常任秘書長嘅蔡瑩璧為「一帶一路」專員，惟蔡一直為「無糧」專員，直至去年六月底卸任。專員一職出缺超過一年，政府尋日終刊登招聘廣告聘請新專員。新專員月薪廿六萬零六百元，三年任期唔計約滿酬金，都穩袋逾九百三十八萬元，咁蔡咪唔見咗二百八十六萬元？
享房屋福利旅行津貼
根據商經局招聘廣告，專員需要負責領導當局轄下嘅「一帶一路」辦公室，就推動香港參與「一帶一路」建設制訂策略及推展政策，仲要負責促進「政府對政府」同「政府對企業」嘅溝通。專員獲豐厚薪酬外，仲可享有房屋福利，另一賣點就係享有度假旅費津貼，即係請埋你去旅行，三年任期完結後仲有約滿酬金添。
卓妮