政情：公民講場：立法規管膠餐具 黃錦星齋噏唔做

依家好多快餐店都會派膠餐具，環保團體同立法會好多議員鬧爆政府遲遲唔規管即棄膠餐具，尋日又有一個調查結果顯示，有七成三受訪者支持訂立時間表，立法禁用即棄餐具同飲管。老實講，環境局局長黃錦星早前話喺今個立法年度會展開研究，仲會參考外國做法同本地情況，制訂適用於香港嘅措施，但就冇講實幾時會向立法會提交相關草案，睇怕都只係想避吓風頭，依家民意擺明係催促佢盡快立法，咪使旨意歎慢板，拖得就拖。