綠色先鋒：20小店力撐「乾淨比賺錢重要」

「無塑好日子．長洲」獲二十間長洲小店支持，反應熱烈，Lisa憶起當初和各間店舖接觸講解活動詳情和理念時，對方的反應令她大感出奇，「本身以為佢哋未必太願意，始終要提供優惠，但原來佢哋都認為環保同地方乾淨比起賺錢更加重要。」

其中一間參與店舖，正是主打售賣大魚蛋的小食店，顧客租用環保餐具可享買兩串大魚蛋送兩粒細魚蛋優惠，老闆鄺先生是土生土長長洲居民，他認為減少製造垃圾是理所當然，「賺到錢梗係好，但作為長洲居民，真係住喺呢度嘅，點都唔會想見到周街都係垃圾，所以一定支持唔好用即棄餐具。」

除了自備餐具，要食得環保，鄺先生亦建議遊客掃街時食完才光顧下一間店舖，省卻膠袋和紙袋，「好多時我都盡量叫啲客企定定食埋先走，慳得就慳嘛！」