政情：馮炳壽撐新鈔有收藏價值
早前金管局公布即將發行嘅港幣新銀紙，其一反過往嘅設計惹來坊間好多負評。大中華香港收藏家協會創會會長馮炳壽就話，大家對新銀紙皺眉，只係未睇慣啫。仲話實體貨幣遲早會被電子貨幣所取代，所以即將面世嘅新銀紙都有收藏價值咁話。
實體貨幣瀕式微
經常中港兩邊走嘅馮話，曾經喺深圳目睹街頭行乞者都採用二維碼收錢，反映電子貨幣大行其道，加上內地嘅印鈔廠亦面臨唔夠工開嘅窘境，可以預見實體貨幣即將步向式微。雖然銀紙嘅外觀會影響收藏意欲，但鑑於實體貨幣有可能成為歷史，因此新銀紙發行嘅時候，市民不妨保留些少以作收藏之用。當然收藏有靚冧把嘅銀紙，升值嘅潛力就更高喇！