政情：公民講場：貿戰影響邱騰華話一號波

中美貿易戰持續，香港都唔能夠置身事外，商務及經濟發展局局長邱騰華尋日話，經香港轉口至內地同美國兩地嘅產品，合共佔本港整體貨物出口總值近百分之五。佢形容貿易戰帶來嘅影響，對香港嚟講已經等如掛起一號戒備信號。香港作為貨物轉口港，對全球貿易嘅風向極為敏感，貿易戰呢個風暴點樣走，對香港有咩影響，邱騰華真係要審慎觀察，唔好後知後覺或誤判掛錯風球先至好。