政情：賴嘉汶拒認出戰區選 驚變陳學鋒翻版？

區議會下年換屆，選舉管理委員會早前就公布咗區議會嘅選舉區劃界建議，唔少政黨都開始着手籌備，其中民建聯屯門支部主席葉文斌衰多口，一度爆出會派社區主任賴嘉汶（Apple）落去選屯門新區欣田區，殊不知Apple轉個頭喺社交網站Facebook話「並不知情，特此澄清」。唔知佢係未決定參選抑或係怕要報選舉開支？
賴嘉汶喺社交網站澄清參選意向。
賴嘉汶喺社交網站澄清參選意向。

陳唔選仍被追報開支

事緣係民建聯秘書長陳學鋒曾經講過有意參選今年三月嘅立法會補選，雖然最後並冇付諸行動，但仍然畀選舉事務處追報選舉開支，認真奇怪！唔知Apple係咪見到前車可鑑，喺未確定係咪會參選時都唔好公開表態，免得第日畀人追報選舉開支就麻煩嘞！

陳學鋒最終冇參與補選，但仍遭選舉事務處追報選舉開支。
  • 陳學鋒最終冇參與補選，但仍遭選舉事務處追報選舉開支。

第一手消息請下載on.cc東網iPhone/iPad/Android/Windows Phone Apps