「四電一腦」廢電器電子產品生產者責任計劃今個月已實施，市民購買電視機、雪櫃、冷氣機、洗衣機同電腦時，銷售商須提供相關舊電器除舊服務，有中小企回收商就批評當局扼殺佢哋嘅生存空間。環境局局長黃錦星尋日喺電台節目話，唔係要扼殺佢哋生存空間，只係以往有「收買佬」用唔環保嘅方式將舊電器「山寨式」拆解，咁樣會毒害環境同危及回收工人健康喎。中小企回收商同收買佬做咗幾十年，依家政府一句環保就可以打爛人哋飯碗？
