商務及經濟發展局局長邱騰華尋日話消費者冷靜期立法將於今年內開始諮詢，計劃首先喺美容同健身兩個投訴較多嘅行業開始實行，仲話冷靜期政策將連同規管「人對人電話促銷」，於明年初向立法會遞交立法框架，希望在今屆立法會任期內能通過。關於設立冷靜期問題講咗N咁多年，仲要等到明年先有草案送交立會，邱騰華真係歎慢板。話時話，美容業界反對有關政策，認為會被濫用而造成美容院倒閉潮，唔知邱局長又有幾多信心會順利完成立法呢？
