婆婆斥食署人員兇神惡煞
繼六月底，七十九歲的小販吳婆婆，在桂林街被十多名警員及食環署人員「大陣仗」拉上警車後，在鴨寮街擺檔多年，賣舊鞋雜貨的李婆婆亦斥，食環署巡查時兇神惡煞：「啲食環（職員）收嘢好惡，好似搶嘢咁，一聲叫你走，兩分鐘就同你清晒。專蝦阿婆，好心啦，婆婆好人好者，自力更生，點解要趕盡殺絕？一晚畀佢哋掃三、四次，畀佢哋嚇到手都震埋。」記者向她查詢期間，她更多次叮囑記者不要將她樣貌曝光，怕遭食環署人員秋後算帳。
另一擺賣舊衣雜貨的姚婆婆則表示，對食環署人員專揀年老長者落手亦深感無奈，「唔驚得咁多，啲食環會好大聲鬧我哋，趕我哋走。」但面對生活困境，她只好硬着頭皮，每日提心吊膽擺檔。