唔少政黨都會搞旅行團同街坊聯誼吓，近年更加衝出香港，旅行團唔再局限香港一日遊。曾經參選過港姐嘅新民黨社區主任劉聖雪（Dana，圖），最近就同班街坊去咗韓國首爾旅行，除咗飲飲食食之餘，仲去咗南大門、景福宮參觀添。Dana仲走去學整泡菜，又着韓服影相，唔通佢想扮「阿珠媽」？不過計吓數，Dana應該就未係阿珠媽，似韓妹就真。有網友就留言話佢係「大長雪」，唔通佢其實係想扮熱門韓劇角色「大長今」？
（互聯網）
