中環出更：林正財分享身世 爆喊兩分鐘
安老事務委員會主席林正財尋日出席一個青年活動，並喺會上分享身世，提及自幼家貧，曾經歷唔少問題，例如家庭暴力、家人不和，自己曾有犯罪及自殺傾向，大家聽到都感到驚訝。當佢提到「每個人都需要鼓勵」時，更一時感觸落淚，喊足兩分鐘，期間得在席同學掌聲鼓勵，佢先振作起嚟，娓娓道出兒時嘅貧窮經歷。
曾寄居同學屋企兩年
林正財話，年幼時貧窮，曾獲一位同學接濟，無條件畀佢寄住咗喺同學屋企兩年之久，佢感慨話：「政策如果唔係有血有肉，就係『堅離地』嘅政策」，寄語學生未來若有機會參與政策發展，必須以人為本，「人生有時跌跌碰碰，需要一個把手扶一扶。」佢呢番肺腑之言，令在場唔少學生同老師都「眼濕濕」。
卓妮