政情：公民講場：天價橋愈拗愈激 張建宗拖得就拖

立法會財務委員會原本會喺本周五審議被稱為「天價橋」、逾十七億元造價嘅元朗行人天橋工程撥款申請，但係政府就調動議程，新加咗公務員加薪等四項撥款申請，跟住將天價橋搬到較後位置。署理特首張建宗就話只係微調啫，實則喺今個立法年度都傾唔到，事關依家天價橋嘅設計同造價嘅爭拗不斷升溫，若果政府繼續企硬，其他撥款申請肯定過唔到，形同自殺，睇嚟張建宗都係拖得就拖，將天價橋拖到下個立法年度先傾，等呢場爭拗攤吓先。