政府計劃向一手待售單位徵收空置稅，以釋出單位增加房屋供應，仲話本月內會有交代。立法會議員鍾國斌尋日就喺電台節目同政府唱反調，佢以政府聲稱有九千個未售出單位，同公屋輪候冊廿八萬宗申請比較，九千個單位佔輪候冊嘅百分之三，「推咗百分之三出去影響到乜嘢吖？得到啲乜嘢效果？我覺得係冇效果。」佢咁講，即係反映市民對房屋需求大，政府吼住嘅嗰啲空置單位，可能一推出就被搶購一空喇！
