政情：蠟像館新搞作 「特朗普」快閃山頂
有人於山頂目擊會走會跳嘅美國總統特朗普（Donald Trump），唔通「侵侵」去完新加坡後快閃香港？原來係香港杜莎夫人蠟像館有新搞作，推出會郁嘅「活蠟像」（Live Figure），「侵侵」隨時出現喺你隔籬。
沿路同遊人揮手自拍
「特朗普」今次到訪香港嘅行程包括乘搭山頂纜車、於山頂欣賞景色，以及到蠟像館同其他名人交流。作為Twitter狂迷嘅「特朗普」不但與美國模特兒坎達兒·珍娜 （Kendall Jenner） 暢談運用社交媒體嘅心得，同中國國家主席習近平及印度總理莫迪見面，仲同自己嘅蠟像拍照留念添。唔止係咁，佢一路不忘同遊人揮手及自拍，相當「親民」。
香港杜莎夫人蠟像館總經理游萌女士就話，之後會再推出更多訪客與名人蠟像嘅互動體驗，大家拭目以待喇。