中環出更:戴耀廷搞風雲計劃 譚香文斥單靠口號

發起違法佔領行動嘅香港大學法律學院副教授戴耀廷,喺立法會選舉發起「雷動計劃」搞到一鑊粥後,又打算喺明年區議會選舉搞「風雲計劃」。本身係黃大仙區議員嘅前立法會議員譚香文就狠批,風雲計劃只係靠理念同口舌之爭,明言「區議會層面單靠政治口號,根本不可能挑戰建制派的地區服務」,更質疑一眾「風雲戰士」究竟有幾多地區服務經驗?

批泛民對地區服務欠長遠承擔

譚又以啱啱過去嘅東區區議會佳曉選區補選為例,民建聯兼工聯會候選人植潔鈴打敗泛民候選人李鳳琼,認為就算泛民「星光熠熠」、「眾星拱月」搵啲政治明星助選,都係無助選情,因為「選民知道投了李鳳琼就只有李鳳琼,絕不會換來楊岳橋、譚文豪、梁家傑等人為你服務」。故此要贏區選,除咗用心用力服務社區外就別無他法。

譚仲批評,泛民普遍對地區服務欠長遠承擔,但建制派強項就係地區服務深耕細作,亦導致民主派喺區議會議席愈來愈少喎。

卓妮

第一手消息請下載on.cc東網iPhone/iPad/Android/Windows Phone Apps